Piszina olinpiko pare bat

 

20251227: Antua, Galder, Gotzon, Oier.

XXX (Gizaburuaga). Sarrera akuatikoaren topoa osatzeko inkurtsioa. Behin presatik datorren ubidea jaso eta gero, lehen lakuaren osteko bide akuatikoa topografiatzea falta zen (goiko pasamano-bide azpikoa); bere garaian Ritxarrek baino ikusita ez zeukana.

Lehenengo inspekzio bat egin dugu, eta hortxe amaitu da kontua; izan ere, bide horren sarrera eta irteera puntuak ezagututa, tartean dagoen 100 m inguruko bidea igerian egin dugu, 2 eta 0,8 m arteko zabalerakoa, eta puntu batean bloke mineralizatuzko uharte handi batek blokeatuta (Ritxarrek sokaz igo eta jaitsi zuena). Horrenbestez, eta topo zehatza egitearen zailtasuna ikusita, CRGGB 3 gradutako krokis bat egiteari nahikua iritzi diogu. Bestalde, datu interesgarri bezala, ubide osoan ez dugu korronte-seinalerik ikusi; are, azken zatian ur azala hautseztatua egon da, uraren gelditasunaren adierazgarri. Honekin, XXXko erreka (gorago agertzen dena) punturen baten urmaelaren azpian injektatzen dela ondoriozta dezakegu, eta hor ezezaguna zaigun galeria edo sektore interesgarri bat egon daitekeela.

Argazki batzuekin, eta kanpoan eginiko prospekzioarekin borobildu dugu eguna.

Zubiburua, saguzarretan

 

20251225: Tomas, Oier.

Zubiburua (Lekeitio). Neguko saguzarren kontaketa. Ohi bezala, eta Zubiburuan lanean dabilen arkeologia taldearekin lehen aldiz koordinaturik -gauza pozgarria-, bertako saguzar koloniaren egoera ikustera sartu gara 17:45etan.

(...)

Kanporakoan Tomasi laga diot bidea bilatzen, eta lanak izan ditu goiko sarrerara igotzeko bidea aurkitzen; beraz, arkeologoek fototrampeo kameraren aurretik gutxienez 4 bider pasatzen ikusiko gaituzte; agian aireko suspentsio hauts-detektorean ere igarriko da. 19:00etan kanpoan geunden.

Ventalaperran

20251214: Galder, Oier.

Ventalaperra (Karrantza). Polboriñian biharrian dagon ekipuak gonbidatuta, aztarnategixa ezagutzeko aukeria izan dogu Asier Gomez Olivencia eta Mónica Villalba de Alvarado irakaslien eskutik. Gaiñera, CD Eibarreko Aitor Suinaga eta Iñigo Arizaga be ezagutu doguz, eta seiron artian udazkeneko kanpainan bildutako sedimentu-zakuak eta materixalak jasotzen jardun dogu, 25 mtako ranpia eta 7 mtako potzua gaindittuta. Laboratorixuan bahetutakuan gauza interesgarri asko agertu daixezela!

Asier Gomez Olivencia ikerketaburua —eskuinetik lehena— 'Andere' deitu duten neandertalaren fosilak aurkezteko ekitaldian. OSKAR MATXIN EDESA / FOKU 

 

Urpekoa ur gainetik

 20251206: Gotzon, Antua, Oier.

XXX. Espeleourpekariek aldi ezberdinetan egindako beharra osatzeko (1988, 2001 eta 2025an, barrena), sarrera akuatikoaren topografia berregin beharra dago. Horretarako gaur lehenengo ikustaldia egin dugu, lan honek beharko dituen baliabide bereziak kalkulatzeko baliatuz. Hasteko, urpekari-jacketak ez dirudite egokienak, bertikaltasuna eta eskuen askatasuna mantentzeko zailtasunengatik. Hori kenduta, kanpoko hariraino iristeko zailtasun handirik ez dagoela dirudi; eta gainera, goiko leku baten desob egitea merezi du, ea Oskarrek bere garaian aurkitutako sektore itsu horretara airetik pasatzerik dagoen. Honenbestean, eta sektoreko zenbait argazki hartuz, amaitu dugu goizeko jardun labur hau.

Sasi topo

20251122: Xabi, Antua, Galder, Gotzon, Oier.

XXXXko lanak dirazela eta, kuebian sarreria ahal danik eta zihetzen berkokatzia tokau da, barruko topografiak kanpoko interes lekuekin kuadratzeko. Ni neu -zelan ez- galdu xamar ibilli naiz, baiña lasai, bestiak ondo zekixelako nundik nora ibilli. Sasi artian telemetro/iparorratz/klinometruakin bizpahiru orduko "crossfit" saiua egin ostian, pozik itzuli gara eta tabernan emaitza preliminarrak ikusi doguz. Seguro gaurko biharra mesederako izango dala!

Iñubija I

 20251116: Antonio, Unai, Galder, Oier.

Iñubija I. Aspaldi gabiz komentatzen Amildegiko Katazulo osteko galerixetan, 2007tik pendiente dakagun rebisiño hori egin bihar dala. Horrenbestez, domeka goizian zeozer egitteko 4 lagun juntau garanez, bertara hurreratzia pentsau dogu, batez be pistian, bidian, eta instalaziñuan egoeria ikusteko.

Pistiari dagokixonez, leku batzutan apurtuta dago (betiko legez), baiña ez dago zulo terriblerik, eta beraz kontuz kotxiak beheraiñok hurreratu geinkez.

Aparkaleku ingurua nahikua aldatuta dago, eukalipto gaztia sartu barri, baiña bidia libre xamar.

Behiñ Iñubija I-en, lehelengo sokia egoera onian dago; bigarrengo putzuan, instalaziñua duplikauta egon da, soketako bat "lora" askokin (kendu egin dogu), eta anklaje batzuk be aldatu biharra. Taladrua eruan dot, baiña... barautsik ez!! (petate aldaketa baten galdu dot), beraz hurrengo baten egin biharko da.

7a+ Gelaraiñoko sokak egoera onian egon diraz. Bertan Maalerrekako urteeria seiñalau detset (beste egunen baten bertatik urten nahi badabe), eta kanpora hasi gara sartutako bide beretik. 15:00etarako kanpuan egon gara, koba politt honetan zihar egindako ibillaldixakin pozik.

Urtiaga

 20251109: Galder, Gotzon, Oier.

G-144 Urtiaga. Bezperako plan exotikotik kanpo geldittu garanez, Gotzonek (AKA Jubilau Barrixak) Oier eta Galder hartu (AKA La Eterna Promesa eta AKA El Tejón Rampante), eta plan apropos batera eruan gaittu: Santik udan deskubridu, eta Gotzonek berak iraillian soka faltiangaittik esplorau ezinda lagatako lezia.

Udazken egun oso politt baten, Urtiagako basuetan zihar 15 miñittuko ibillaldixa egin dogu, bide baztarrian bertan zabaldu barri dan lezara allegau arte. Bertan, instalatzeko biharra neure gain geldittu da -lantzian behin praktikau biharra dago!-; Galderrek ondiok gehitxuago ikasi biharko dau, halako fregauetan hasi baiño lehen. 

Izan be, anklaje puntu egokixak topatzia ez da erreza izan; hormak lur/buztin freskoz estalitta (jausteko oso errez) edo espeleotemaz, ondo kostau jata harri ona lokalizatzia; eta bertatik, sokia igurtzi-puntu pare batekin juan da behera (betiko moduan, behetik gorakuan erreparau detsegu; desbiaziñotxo bat ez zan hor txarto etorriko ez...). Beheruzkuan, soka luze baten faltan biren artian egin dogun korapillua leku txarrian agertu jata (lanak izan dittudaz, puñotik modu txarrian txintxilizk ez gelditzeko) baiña azkenian repisa batera allegau eta arazua konpondu ahal izan dot.

Hortik behera, Gotzonek lehengunian 20 mtako alturatik ikusittako lekura allegau gara. Pentsau zeikian modura, ez da jarraitzeko modurik egon; halan be, harri txintxarreko zoruan alde baten, goittik beherako aporte txiki bat, eta berorren urteeria ikusi ahal izan dogu, ura dabillen seiñaleko zoru garbixakin. Ez batian, ez bestian, haize korrienterik  (Beaufort-Etxebarria 0/10). Gorakuan, Galderrek botatako proyektillengandik babesteko hartu doten txokuan, 4 Quaestus jaso dittudaz bio lagin modura. Saguzar bat be ikusi dogu. Lehengunetik eginda zeguan poligonalan gaiñian krokis bat marraztuko dot, baiña brujularik ez genkanez, aporte/urteeran norabidiak ez diraz fidagarrixak izango.