Busturian eta Cantabrian

Asteburu honetan, talde bittan banatu gara:
- Batek, Busturiako PF-13 koban desobstrukziño lanak egin dittu. Bertako pausu estu eta bigurri bat pasau nahixan gabiz, eta bertako morfologia eta ekosistemia ahal danik gitxien aldatzeko bost ordu egon giñan, espatuliari emon eta emon.
- Bestiak, Cantabriako "La Gandara" kobako esploraziñuan jardun zeban CAF espeleologia taldeko kidiekin. Lan garrantzitsua, eze, esploraziñuak ritmo honetan segidu ezkeriok, ez da denpora asko pasauko "La Gandara" Espainiako kobarik luzena bihurtu arte.

Markiña-Aulestia, Arratia, Busturia eta Kortezubiko kobetan

Argazkiak.org | PF-13 © cc-by-sa: ades

Udako eguzkixak beti emoten desku aktibidaderako gogua eta ekimenak
ugarixaguak izaten dira ADES espeleologia taldian:
- Astelehenian, prospekziñuan jardun dogu Bedartzandi mendixan
(Markiña-Aulestia), leza barri bat lokalizauta.
- Zapatuan, GAES espeleologia taldekuei laguntzen egon gara Itxinan
(Arratia), ITX-200 lezako esploraziño biharretan.
- Domekan, elkarlan hirukoitza: Agiri elkarteko arkeologuak eta ADES eta
GAES-eko espeleologuak. Goizian, PF-13 koban (Busturia) egon gara hango
arrastuen lagiñak hartzen eta Malloku errekako sifoiak urazpittik
pasatzen. Arratsaldian barriz, Santimamiñen egon gara (Kortezubi)
arkeologuei "brikolaje" biharretan laguntzen (indusketa-lurra babesteko
tarimia eraikitzen).

Betiko moduan, gogoratu gure txangoak edonori zabalik dagozela. Interesa
dakanak, nahikua dau gurekin harremanetan jartzia.

********************
ades@euskalnet.net
94 - 625 23 52