Ades X-Treme Cap 3 - Iñeritzen Barranquismo Egiten

Part: Idoia, Unai, Josu, Iñaki

"Iñeritzera zoaze hara gora? Iluntzar puntara? Baine kriston tenporalie dau eta!" esan ziguten Iluntzar inguruan paseatzen zebiltzaten mendizaleek. Forum eta Decathlon-en erositako GORE-TEX ekipazio guztiarekin zeuden soinean, eta ez zuten horiek ere puentea pasa nahi mendia bisitatu gabe.

"Bai, baine lasai; gero barrura sartzen garenean dena sikue da!" izan zen ADESeko Urdaibai-LeaArtibai-ko barrunbeen esplorazioaren erantzunkizuna duten espertoen erantzuna. Earra erantzuna bai jauna...

Sikue Los Cojones.

Iñeritzen sartu ahala dagoen sala ederrean, horma kontra batetik erortzen ikusi genuen kaskada eder batek ya moskeatu egin gintuen. Josu Galarrei-ko egun-euritsu hartaz akordatzen hasi zen. Baina lasai, hau ez da Galarregiko Leza, hau Iñeritze da, hau handia eta polita da eta sikue.

27ko leza ekipatu eta bajatzean, lezaren erdi-beheko partea katarata bat zen. Dutxa hasi zen. Batzuek esan zuten ea zergatik ez genuen speleo biluzik egiten, eta jaboi pixkat emonda, horrela garbitu egingo ginen eta. Espeleologia erotikoa. X-peleo.

Bigarren putzutxoaren rapela (7 bat metro) zuzenean errekatik zihoan. Bajatzean lortu zuen ura eskibatzea Unaiek (Unai bait zihoan instalatzen).

Behean, Josuren berbak nagusitu ziren: "txo, gora danok derrepente!"

Gorakoan erreka guztia patatekin jan zuen Unaiek. UUUuuUuuAAAAAaaAAA!!!!!

Eta horrela amaitu zen Iñeritzeko eskurtsioa. Ekipatzeko praktikak nahi genituen egin Iñeritzen, eta gauzak ikasi. Ikasi genuen gauza bakarra leza batzuetan ez dela sartu behar euria egiten duenean izan zen, udan sikuak direla emon arren.

Eta horrela amaitu zen ekitaldia. Idoia sarrerako leza igotzen zebilen bitartean, Unai lezaren sarrera borobilari bueltak ematen hasi zen korrika. Konjuroren baten bila igual, edo Iñeritzeko lamia edo izpirituak inbokatzen. Agian, Iñeritzeko lezaren sarrera borobilari 10 buelta eman ezkero, Iluntzarreko Mari irtengo zen lezatik su-bola bihurtuta hegan eta Urrezko Orrazi bat erregalatuko zion.

Baina ez, han urten zuen bakarra Idoia izan zen sokan gora eta ez su bola eginda, kristoren kaladiagaz baino. Eta hori Unaiek 10 bat buelta eman zizkiola...

Urkiolako Santuario-ko harri magikoaren inguruan ere, fededunak eta peregrinoak bueltaka ibiltzen dira; normalean "pareja" topatzeko, edo reuma kentzeko. Igual Iñeritzeko Lezaren sarrerari 20 bat buelta ematen badiozu -330m-tara fondoan dagoen basatza-lodo-obstrukzioa desagertu egingo da eta Lezateko galeria ikusgarrietara helduko gara.

Hori bai, seguraski reuma ez zaigu sendatuko, asko jota igual handitu, halako euri zaparradarekin. Baina bueno, Unaiek lortu zuen bere helburua, hipotermian ez sartzea. Unaien penitentzia, jendea euri-zaparradatan Iñeritzen sartzeagatik, kotxeraino goitik behera kristoren kaladarekin bajatzea izan zen.

Mendiaren beste aldean, Mugirondo inguruko koba baten, Antua eta Gotzon topo egiten zeuden aterpean epel-epel, segurutik guri barrezka. Gero Lechuza-Lezara ere joan ziren, 20-30 bat metro sakonduz.

Mendiarekin euritan ez da jokatu behar...

Iluntzar prospektatzen

Part.: Gotzon, Ritxar, Antua eta Josu

Eguna hotz jaiki da, baina berehala atzeman dugu odei gutxi izango genituela zerumugan. Eta horrela izan da dudarik gabe. Eguneko asmoak aurrera eramateko eguraldi paregabea.

Mahai gaineko plana ondorengoa izan da:

- Antuak aurkitutako dolina bateko zulo bat begiratzea. Fitxa kodea: I-43

- Mugirondo I eta Mugirondo II putzuak berrikuskatzea (garai batean jaitsitakoak) fitxa berriztatzeko.

- Oiñiz Leza behin betiko aurkitzea. 

- Inguruan instalatzen ikasteko falta duen bat baldin bazegoen, hura entrenatzea.

Sokak eta taladroak hartu, eta Iluntzar, iparraldetik inguratzen hasi gara lehenengo helburura heldu arte. I-43. 2 x 1 metrotako sarrera bat dolina argi batean. Lehenengo Antua sartu da, 5 metroko zulo bat. Josu sartu bezain laster, irten egin behar izan da, esplorazioa bukatutzat emateko.

Iparraldeko ingurabidea jarraitzen gindoazela, bidetik bertatik, 10 metro maldan behera atzeman dugun "kata" bat ikuskatzera joan gara, eta a ze nolako sorpresa, beste 1x2 metrotako sarrera bat, eta 5-10 metroko progresioa duen kobazuloa. Txikia bai, baina ezustekoa ere nabaria. Ia brometan esandako, esperantza gabeko, leku bat ikustera joan baikara.

Eta hemendik zuzenean, Mugirondo I eta II jaistera. Habilezia falta nabaria duena Josu izan denez, bi putzuak ekipatu eta rapelatzeko aukera izan du. Lehenengo putzua, Mugirondo I, sasi artean aurkitzen den 25 metrotako bertikala. Kaltzetin bat. Mugirondo II, modu beretsuan, 30 metrotako putzu bertikala. Bigarren honek ordea, baua botatzen dihardun du goiza, eta bere sakonenean, arrakala estu, baina interesgarri bat aurkitu dute jeitsi direnek. Aspertuta gauden egun batean zabaltzeko geratu da.

Eta azkenean, arratsaldeko 3ak aldera, Gotzonek horrenbeste amorratzen duen Oiñizeko Lezaren bila joan gara.

ADES-eko erreferentziak ondorengoa dio: "Situada en las cercanias del caserío Oñiz, en la ladera E. del monte Iluntzar, y en el centro del pinar que se ve desde el caserio. Boca de 3 metros por 4 metros, en forma de pequeña dolina. Profundidad estimada de 90metros, con un salto de entrada de 30 metros verticales". 

Gure erreferentziak ondorengoa dio: "Ni cerca del caserío, ni en el medio del pinar, ni 3 por 4".  Hasiera batean, tapatu omen duten, beranduago beste "barranko" batean egon litekeen. Garai batean Santik eta Gotzonek bide ertzean aurkitzen zuten 90 metroko lezea ez da aski erreza aurkitzeko. Gora eta behera ibili gara leizearen bila, eta azkenean beste bat aurkitu dugu. I-46. Katalogatu, fitxa zabaldu eta errepaso azkar bat. Ezer gutxi.

Bueltako bidean, gizon zahar batekin hitz egiten hasi eta…. arrakala eztu ba begiratzera eraman gaitu.

Eskerrak, azkenean, kotxera egunez heldu garen. Egunaren bukaeran I43, I44, Mugirondo I eta II, eta I46 Oiñizen. Ekarpena Antuaren ustez nabarmena, 2 kobazulo berri aurkitu ditugulako. Gotzonentzako eskasa, Oiñiz leza faltan baita....