Ermintxo

180128: Gotzon, Antua, Oier.

Lisiauen taldiakin fenomeno ibilli naiz, itsuen artian tuertua nagusi. Natxittutik behera, Ermintxoko “ugarte karstiko” xelebre horretara juan gara, bertan zeguazen hiru zulo hobeto aztertzeko.

Lehelengua, Gotzonek 19 urte zittuanian basarrittarrak erakutsittako katazulua. 4-5 metro sartzen da, eta estuasun haizedunian amaitzen dana (gaur haizia txupatzen), sartu dirazenen arabera errez desobstruitzekua.

Bigarrena, kareharri moltzo horretan bertan baiña bestekaldian, 5 bat metro beheragoko kotan: erlaitz luzen baten azpiko aterpia, puntu baten galeria baten barrura egitten dabena, behetik laminadore batzutan, eta goixan (klaraboya baten azpittik pasauta) galeria estu baten aurrera, leku estu batian zulo puzkari baten amaittu arte. Itxuraz goiko katazuluakin bat egingo daben arren, Gotzon eta Antua punta bixetan orruka eta harrika ez dabe alkar entzun. (...)

Hirugarrena, kostan ekialderutz segiduta, 10 bat m beherago. Galeria zabala eta bajua, gela txiki blokeau baten amaitzen zana, jarraitzeko aukera barik. (...)

Argin, leza aldakor hori

151024: Santi, Antua, Gotzon, Josu, Idoia, Oier.

Argin (Ea). Santik, azkenian, sarreria ikuskatu ahal izan dau. Berak eta Gotzonek ixa seguru egon dira oin dala 20 urteko leku bera dala, oso aldatuta hori bai; bistan da lur mobimendu haundixak dagozela bertan: juan dan urtetik hona 2000 bat kilotako bloke barri bi topau doguz-eta....

Behin barrura juanda, Antua eta Josu aurretik juan dira, eta behin sokatik gorako lekuan bestiok eurak ezin topauta ibilli gara (iñok ez genduan leku hori ezagutzen); agertu dira azkenian, eta danak gora juan gara bloke arteko gune laberintikuan zihar topua segitzera. Tximinixa baten gora egin dogu, eta gela haundi eta eder batian agertu gara; egunotan erabilli doguzen bromekin, izena laster ipiñi detsagu: Sala de la Carta Abierta. Materialakin arazua izan doguz (monty eta dinema txorta bat galdu –eskerrak azkenian agertu dala, 200 euro-) baiña hurrengo baten Carta Abiertatik norabide askotan zabaltzen diran bide posibliak esploratzeko nahikua lan izango dogu. Hori bai, lurrazaletik nahikua hurre gagozela dirudi (sustraixak, marraskilluak...).

Bio aldetik: Niphargus?, Quaestus, Neobisium, Zospeum, Oxychillus, Lithobius erraldoi bat, eta txitxara eta zienpies moduko batzuk jaso dittudaz.

ABADEATXA KOBIE

Part.: Santi, Martin, Gotzon, Josu & Oskar



Gaurkoan, ez dira isan galeria espektakularrik eta erosik, ez koba haundi baten esperantza. Baina ordea, itsas lerro berberan espeleo egitea ez da ohikoa, eta gutxiago ere ahin paisai ikusgarri batean garatzea. Ogoinoko itsasmuturretik Abadetxe puntarainoko kostalde guztia gure haurrean. Eguraldi ikusgarria. Gainera, kobara iristeko asken urratsean, itsas olatuetatik batezteko, pasamanos polit bat jarri dugu. Bertatik pasatsea benetan plazerra isan da.

Kobari buruz, galeria haundirk ez. Topografiak kanpoan dagoen sumidero batera zuzen goazela dino. Baina barruan gauzak ez dira ain errasak. Edononen ikusten dira exploratseko aukerak eta harriak solte ta harriskutsuak. Aize indartsu igertzen da barruan leku ezberdinetik datorrela. Ia seguro aize korrente bertako sumideroetatik datorrela baina ordea ez ditugu kanpoko astarnarik ikusten, ez zuhaitz ostorik ez material organikorik. Beraz, esplorasinoa guztiz zabalik jarritzen du.

 

 

Thank you Mr Aranzabal - Argin Zuloa esploratzen!

Part: Jon, Unai, Josu

Berez, domekako plan originala txango familiar bat zen, zerbait "light" asteburua amaitzeko. Unai eta Josu Pirineoetatik zetozen, eta gorputza ez zeukaten larrosak bezala. Munarriko kobako estalaktita-baso ikusgarriak bisitatzea, geologiazko 3-4 ganoragabeko berba esaten genituen bitartean, ez zegoen gaizki. "Proceso de recuperacion" ahal izango genion deitu.

Baina ez zen horrela gertatu. Zapaturako plan printzipal bat ez zegoenez, Gotzonek bere zapatu goiza pasatzeko erarik hoberena Argin Zuloari desobstrukzio "kontundente" bat egitea zela pentsatu zuen. Eguna amaitu zenerako, birrindua amaitu zuen (bai espeleologoak eta bai kobako sarrerako estuasunak), eta kobazuloa, esploratzeko prest geratu zen!

Errekaren zarata garbi entzuten omen zen.

Kalentadarekin, bi Zeberiotarrak han agertu ginen artilleriarekin, eta fitxaje berri bat ekarri genuen, Jon. Mendizalea zen, eta kobak bisitatzen ibilia zen, baina sekula ez esploratzen. Gaur arte!

Domeka goizaren kronologia horrelakoa izan zen:

1. Hirurek flipatu egin zuten Gotzonen desobstrukzioaren eskonbroak ikusi zituztenean. Unaiek ez zekien  zer egin: koba esploratzen hasi edo mineralak kolekziorako bilatzen hasi.
2. Unai, putzuaren kabezerara joan zen eta 2 monty sartu zituen eta soka instalatu. Suposatuko duzuen bezala, kabezera, zabaleraz, ez zen Otxabideko Repisa Zentrala precisamente. Lezak estua ematen zuen, baina intento bat eman behar zitzaion.
3. Josu hasi zen bajatzen. Klaro: "Unai, zelan jarrizu hau kabezeri?! Txarto da!". El Psicologo de la Zona C.
4. Unairi, kanpoan, periodikua irakurtzeko gogoa heldu zitzaion, eta orriak bustita bazeuden hobe. Eta Josuri, "OtxabideII"ko putzuan, Mago antojoa etorri zitzaion. Jon, meandro estuan etzanda zegoen. Bere buru gainean, armiarmak txikiteoan zebiltzaten. "Joer, gustatu egin behar da hemen egotea mekau..."
5. Leza bajatu zuten orduan, mendiaren "karstifikazio prozesua" mailuarekin azeleratuz. Beherago zabaldu egin zen. Oraindik ez geunden Argin Errekako kataratetan barrankismoa egiten. Hurrengo meandroaren atzean igual?
6. Esploratzen hasi eta arrakala-fraktura-gela ikusgarri batera heldu ziren orduan. 16 metro zituen alturaz, eta DUOekin ez zen sabaia ganoraz ikusten. "Joer, sasoie zan halako zerbait ederra agertzi, akordateko zergatik sartzen garen aurreko bezalako putam....tan!!" Hori izan zen ADESeko partaideei irten zitzaien gauzarik "profundoena" mendi barreneko marabila hura aurrean ikustean.
7. Eta kontenplazio eta disfrute momentu hura eta gero, Josu konturatu zen airea ez zihoala handik (joer! zergatik joaten da airea lekurik bustien eta estuenetatik eta ez halako saletatik??!)
8. Eta kontenplazio eta disfrute momentu hura eta gero, Unai konturatu zen distoa kobaren sarreran ahaztu zuela (MEKAUEN!!).
9. Unai, bere "espezialidadea" estuasunak direnez, putzu-putada estua berriz altxatu behar izan zuen, eta gero distoa hartu (disto: aparato electrónico perfectamente adaptado a inclemencias negativas y choques nocivos con estratos calizos urgonianos) JE!
10. Eta dardaraka, distoa ez puskatzeko beldurrez; Unaiek konprenditu eta sinpatizatu zituen kobetan topoa egiten joatera kondenatuak dauden espeleologoak (Gotzon Paltzuaranen mekauendioska, Antua Arginen quecoñazoka,...).
11. Jon, koban gora eta behera disto puntoak topatzen zebilen Unaiek mareatzen zuen bitartean. Fondoan, taladro soinuak entzuten ziren. Josu zen, putzu bat instalatzen zegoen esploratzeko!! Baina bueno, gero eskertuko dugu KMZa ikustean kafetegian lasai lasai, ordenadorearen aurrean.
12. Ez genuen Argineko Katarata barrankoa topatu urez gainezka, baine bai topatu genituen Argineko Galeriak Airez gainezka. Horregatik pentsatu genuen agian Airea izan zela erreka zarata ateratzen zuena, eta ez erreka bera.
13. Topo printzipala egin genuen, eta putzua bajatu. Behean, 3 gatera daude begiratzeko, airez putzadaka.
14. Eta horrela irten genuen, esplorazio egun eder bat pasa eta gero, eta burua berotuta aire freskoz. Thank you, Mr Aranzabal; thank you, Mr Antuan, thank you, Mr Richard, Mr Zeberio, thankyou eberybody!

Argineko Zuloaren esplorazioa hasi besterik ez da egin. Eta gogoz ekingo diogu, rafting ordez "potxinguing" egiten hasten ez bagara behintzat...

Lasai denok, egun baten agertuko dira eta Argineko galeria ikusgarri horiek, baaaaaiii.....

Argin Errekako Misterioa

Orain dela 20 urte ginela Argin Urzuloa. Sarrera haunditu ondoren exploratu genuen meandro bat sifoi txikira heldu arte. Amaitu zan eta utzi genuan ahaztuta.

Orain boltatzean ikusi dugu sarrera desagertuta dagoela berriro bloke jausietan. Hasi gara blokeak kentzen jakin gabe zein den zehaz-mehaz lekua. Halako, punto baten aurkitzen dugu leize bat. Ez du hantz askorik guk gogoratzen dugunegaz, baina ¡izan behar du!.

Potzu bat 40 metrotakoa bajatzen dugu, ¡arrituta usten gaitu! Ez dugu ikusten instalazio zaharra??? Behera heltzen garenean sifoi bat dau, baina... solairua segitzen du aurrez-aurrez.

Hau ez da guk exploratu genuena orain dela 20 urte. Orduan? Ez dakigu baina Argin Urzuloa misterioren bat dauka ezkutuan...

 

 

 

NATXITUKO LAPATXA

Leize honetara goaz berriro topografia egitera.

Hemen ahal dugu ikusi naturaren altxor hau.

Ullan GAES-ekuekin

Argazkiak.org | Ullako ubegixan (Ereño, Ispaster eta Ea) © cc-by-sa: txikillana

08-I-11: Ane, Niko eta Oier Ullako ubegira juan gara. Bertan, arropak garbitziaz gain GAES-eko Richard, Jesus eta Antoinekin topau gara kobatik urtetzen zeguazela. Han egon gara pizkatian barriketan, eta kontau deskue urpeko saiuan gorabeherak; visibilidade gitxi, harixa instalatzeko biharrak, materixala... gaur pasa dan asteko kotan ibilli ei dira, 30 m desarrollua eta 15 m sakon, metro pare bat zabaleko galerixa erosuan zihar. Ondiok luzerako dake biharra, eta segiduko dogu kontaktuan ¡horixe baietz!

ULLAKO TXALUPA

X JAUNA ETA BIOK

Gaur abuztuak 6, Ullara joan gara ea ezer berririk zegoen ikustera. Belaustegi baserri paretik (Ereño) 5 minututan iritsi gara ur depositora eta hortik minutu baten kobazuloan geunden. Iritsi aurretik susmo txarra hartu dugu, izan ere, ur jauziak, sasoi honetarako ur dexente zeraman eta beraz pentsatzekoa zen koba barruk sifoia ere antzera aurkituko genuela. Sartu bezain pronto entzuten zen kanpoko "moto bonba" eta jarraian konturatu gara baietz, uraren maila metro bat edo jeitsi dela, baina hala ere ez da nahikoa sifoia pasatzeko. kobak merezi du ikustearren bakarrik oso polita delako. argazki bat ateratzea otu zaigu eta................plastikozko txalupa txikitxoa puztu dugu, sifoian barrena sartzeko. kostata baina puztu dugu (du) eta han sartu naiz erortzeko beldurrez. gauza guztiek bezala koba barruko sifoi edo lakuetan txalupa txikitxo batekin ibiltzeak bere amarruak ditu eta gaur ikasi ditut horietako batzuk. lehenengo legea lasai egotea da, bestela, kirioekin eta bustitzeko beldurrarekin bakarrik txalupatxoa gehiegi mugitzen da. bigarren eta azken legea (eskarmentuz ikasia) ormak bakean uztea da, ez ikutzea alegia, bestela.............koskabiloak freskatzeko aukera paregabea izango duzu (edo bakoitzak daukana).
ba horixe, egun pasa behintzat egin dugula. bueno, ura oso garbi zegoen eta urpekaritza egiteko aukera ezin hobea zen, izan ere ondo baino hobeto ikusten zen urak berak ikusten uzten zuen guztia. Koba horretan ez dago beste aukerarik, aire konprimitu boteilarekin eta ur hotzetan sartzeko gogoarekin joatea baino. haizerik nabarmentzen ez den arren, galeria interesgarriak egon daitezkeenaren susmoa dugu, sifoiaren bestaldetik. Beraz, ba...............Ullan txalupek ez dute balio, busti egin behar da!!

¡Ullako errekia, ibaituta!

¡Oi naturalezian jainkuak! Barriro be, gizakixa garaille / edo zuek onbera, Galarregiko ubegixetan zihar pasiau ahal izan gara.

Goizeko ur ufaletan, X jauna eta ni etsipenezko telefono deixak kruzau doguz planak bertan behera lagatzeko. ¿Zer da espeleologo bat zapatueroko hezetasun, illuntasun, isilttasun dosis barik? Eulixan kaka. Noraezian, lokalian bildu gara gitxienez argazkixak trukau, fitxak eiñ edo topografixa lanak egitteko... Begirakuna illunak, egualdi aldakorra, nubes y claros, aterri behintzat. Eguzki izpi batzukin erabagi dogu: entrada relampago, desobstrukziñora Ullako urzulora. Trepetxuak hartu eta han laga doguz Oskar eta sevillania sorospen kurtso bat on-line egitten.

Gaurkuan Mendezu (Mendazona) auzotik Belaustegi basarriraiñok hurreratu doguz kotxiak. Iñaki Larrauri jaunakin barriketan ibilli eta gero, bost minutuan urzuluan genguazen. Argazki hónetan ederto ikusten da, grafiko-grafiko, zer gertatzen dan egun erdiko zaparrara batekin.¡Ur zuluetan eta egualdi txarrakin, ezin da kobetan tontokerixetan ibilli!














Entrada relampago honetan, gauza onak eta txarrak. Batetik, ustezko desobstrukziñua ez da biharrezkua izan, paso antzu bat zalako. Bestetik, Iñakik Ulla ingurua antxiñan bizi-bizixa zeguaneko erretratua egin desku (lavaderua, errotia, etxiak, patiña, anteparak...). Gaiñera, uran maillia gorago zegualako, aintzira interiorra benetako sifoi bihurtu da eta errekia ez zan entzutzen; honek diñosku, sikute denporan igual aukera gehixago izan dogula. Errekia entzutzen ez zalako, detalle bittan erreparau ahal izan dogu: arrakalatxo batetik zetorren presiñozko aixia, eta urriñian somatzen zan tur-tur-tur bat. Kanporakuan emon desku Iñaki Larraurik Aboitiz Behekua basarrixan ondoko motobombian barri.

Topografixa orokor bat be egin dogu. Aboitiz basarrixetara hurreratu eta motobonbia ikusi. Amaitzeko, Oierrek hatzapar bat lesionau dau goittik beherako baten engantxauta, eta X jaunak kaskarreko haundixa hartu dau Etxezarrako aterpian, mareaziño eta guzti.

Hau guzti hau, gitxi gora behera aterri zeguala egin dogu. Etxera allegautakuan... ¡barriro zapparrrada itzala! Eta pozik, azkenian zeozer egin dogu eta: ¡oi naturalezian jainkuak!

Ispaster, Ea eta Ereñoko lurretan

080524: hasiera antzua, emaitza harrigarrixa eta amaiera akzidentaua.

Bikain eta Oier, Ispasterko sumiderora (Eskako errekia) juan gara goizian. Txutxune/Axpe-Kaltzada basarri parian badago be, Kortazar auzoko etxe honetakuak ez dira Ispasterren jaixotakuak; bai ostera Luis Mendikute, Kaltzada basarrikua. Harek kontau deskunez, inguru hori urez betetzen da euri sasoietan (obstruiduta dagon seiñale) eta fabrikak egin zebenetik hondakin gehixago pillau da bertan (35 bat urte). Fabrikak egin aurretik espeleologo batzu etorri ziran bertara (GEV seguraski), zulo batetik sartu eta "15 metro zabaleko erreka bat" topau ei zeben (!!!). Guk behintzat topau ez doguna: Eska itxurri inguruko zuluak miatu doguz, baitta kamiñuan bestekaldekuak be. Osiñan fonduan zulo asko dagoz, 15-20 "bajada" bai, baiña danak obstruiduta. Sarrera haundiñak 4 metro baiño sakonera gehixago ez daka, eta toki bakarrian baiño ez da ikusten paso txiki bat, ur erdi-estankauan amaitzen dana eta haize korriente barik. Osiñan fondoko nibeletik pare bat metro igota, zulo legor bat dago eta dudia da ia desobstruitzia merezi daben eze, galerixa nagusixan kontrako direkziñuan ei dago.

Hortan genguazela, X jauna pasau da kotxez, goizian prospekziñuan egon dala (kontauko dau berak) eta Eako ibaixan sorrerako zulua billatzera doiala. Berakin juntatzen gara, eta hara goiaz hirurok. Argin errekan gora goiaz, Ulla izeneko lekuraiñok. Erreka aktibua obra batekin hartuta dago, eta goragotik "trop plein" urteera bat dago, 6 bat metroko sakoneran estuasun baten amaitzen dana, baiña igual penetrablia dana. 3 bat metro gorago, beste sarrera txikitxuagua
dago; handik sartzen gara Bikain eta Oier, eta arrakala oblicuo baten zihar 20 bat metro goiaz. 9 m. altu, 4 m. zabaleko galerixa batetik aintzira batera heldu gara. 15 m. luze, 2 m. zabal, eta fondua ez da ikutzen. Sifoi aparentia bada be, entzutzen dan ur-hots haundixangaittik hobeto begiratu biharko da. X jaunak bere hagin luziekin estropozu egin baiño lehen urtetzia pentsau dogu, eta trunboien soiñupian ixa-korrika allegau gara kotxietara.

Justo-justo emon desku denporia aldatzeko, eta zaparrada ikaragarrixa hasi da ¡haxe libradia! Baiña onena falta zan: Oier martxa atrasian zetorrela, kurpil bat zubittik kanpora etara eta trabauta geratu da, kotxian ipurdixa erreka gaiñian orekan. Desesperaziño busti momentu baten ostian, ondoko basarrikua agertu da aingeru guardakua lez, eta kate eta soka batekin, uste baiño errezago etara dogu katxarrua.