Oibar eta Amezti II

  20250329: Galder, Koldobika, Julen, Antua, Martin U, Gotzon, Oier.

Talde bittan banatuta, batzuk Oibarrera juan dira (Gizaburuaga) zulua kide barrixei erakusteko, eta bio ikustaldi bat egitteko. Dana ondo juan da itxuraz! Eta gaztiak gogoz dabizenez, bertikaletako teknikian erakustaldi bat egin biharko detsegu.

Bestiok, Amezti IIra (Aulesti). Helburu nagusixak Katabasiaren Putzua modu seguruan jaistia eta, behingoz, topo egin ahal izatia. Helburu bixak lortuta: -120an potzua gela haundi baten zabaltzen da, eta hortik behera meandro estu baten aurrera egitteko aukeria dago; Martin juan da puntan, eta amaierarik topau barik egin dau buelta.

"Anabasisa" errezagua izan da, gora-beherekin hormetatik jausten dirazen lokatz/harri plasta gitxiagokin ez dau hainbesteko bildurrik emoten. Baiña lokatza...? Ene, ene! -25tik urten arteko tarte hori zelako nekeza dan, ezin leike siñistu! Asko esatia da, baiña batzuk sujeridu dabe, ez ete dan hau izango "el Galarregi del S. XXI"...? Kanporakuan beste batzuk dudetan egon dira speleo laga eta bachatan hasteko, baiña... ikusiko dozue, egun batzu barru hamen egongo dira barriro! 

Bio aldetik, ehiza urrixa: Katabasi inguruan hiruzpalau leku miatu badittudaz be, ez dot ezer ikusi eta -25ko erlaitzetan pare bat Cryptazeca baiño ez dot ha

Infrañora

  20240322: Julen, Gotzon, Antua, Oier.

Amezti II (Aulesti), Galarregiko barrunbeetan behera. Ez alperrik! Mendi moltzo honen ezaugarri dan lokatz adhesibo horretan integrauta, poliki-poliki baiña eten barik zabaltzen gabizen bidiak behera egin dau. 6 bat orduko jardunaldi gogorrian -batzuk nekia eta bestiok hotza- pasabide agonikua zana pertsonak pasatzeko moduan geldittu da, eta puntako esploratzailliak 70 bat metrotako potzu baten kabezeran geldittu dira -behiñ eta barriro zundatuta, Joly-ren formula akustikuakin-. Kontua da, bizi-bizi eta formakuntza prozesuan dagon lezia danez, hormatik harri asko jausten dala, eta horrenbestez horra behera jaitsi aurretik prestakuntza nahikua egin biharko dala, segurtasuna bermatzeko. Hurrengo egunian izango da hori, baiña... jarraixan datozen bihargiñok "karamelo" gozua jango dabe!

Behiñ kaleko argittasunetik aldenduta, bio lagiñak jasotzen hastia tokatzen da. Gaurkuan, 1 Meta, 2-3 Cryptazeca.

Amezti II eta Simposiuma

 20250315: Koldobika, Iker, Galder, Aitzol, Gotzon, Antua, Xabi, Oier.

Amezti II. Afluentzia masibua, leza honetan behera zabaltzen gabizen bidia esploratzeko gogoz. Zorionez, bateren batek meteo partia ondo begiratuta ekarri dau, eta leza sarreran denda kanpaña eta guzti jardun dogu jo ta keia, etorri dirazen eguzki/euri txandetatik babestuta. Emaitziak merezi izan dau: leihatilla bildurgarrittik aurrera eginda, Gotzonek eta Antuanek pasamanos bat instalau eta behera egin ei dabe, harri-erorketetatik aldendutako bide paralelo baten, eta 40 bat metrotan zundatu daben potzo baten kabezeran geldittu diraz. Norutz? Ezin jakin, bertatik datorren korriente lurruntsuak topografia instrumentala erabiltzia eragotzi dau-eta; halan be, Lezate baiño Lezandipe usaiña daka honek. Txupinazo gelian usaiñ ederra, zihetzago esanda.

Mendittik erretiradan, "speleo de salón" momentua etorri da. VdHKk antolatuta (Alemaniako speleo federaziñuak) eta UISen Historia Saillan babesakin, "Speleology in Authoritarian Regimes" simposiumian parte hartu dogu. Bertan, I Mundu Gerratik hona izan dirazen liskarretan Euskal Herriko espeleologuen nundik norakuak jarraittu doguz, eta gero VdHKko lagunak Benno Wolf bioespeleologuan bizitzia ohoratu dabe, Theresienstadt kontzentraziño esparruko zurrunbilluan galdu zan arte. Jardunaldi zirraragarrixa izan da, leku askotako kidiak jarraittu dabena (Grezia, Italia, EEBB, Frantzia...) eta, itxuraz, akulua izan leike mundu oso espeleologuendako, euren herrixetan bizi izandakua azaltzeko. Izan be, tamalez, diktadurak ugarixak diraz munduan, eta lurpeko munduko pakia nahi baiño gehixagotan endredatzen dabe.