Fotos Iñubija

Hoy nos hemos ido a Iñubija acompañados por Iñaki Latasa, del GAES de Bilbao. Todos hemos aprendido algo de él en esta entretenida entrada. Fundamentalmente dedicamos la jornada a realizar unas cuantas fotografías de la última gran galería descubierta. También topografiamos una lateral que suma otros 160 metros al desarrollo de la cueva. Aunque estaba previsto -y para ello arrastramos el material necesario hasta el fondo- explorar algunas de las incógnitas de la gran galería, después de 9 horas decidimos que no estábamos para sufrir y que otro día será. Hasta la próxima. Aquí os va una muestra de la fotos realizadas. No es que nos hallamos lucido mucho, pero para algo ya servirán.

Mortadelo II y los 3 enanitos: egun produktibua.

080316: Urtza, Bikain, Igor, Oier.

Illuntzarko Lezan. Helburu nagusixa: artaldia osorik urtetzia. Bigarren maillako helburuak: hondoraiñok allegatzia, 60 metroko amildegixan argazki bat egittia, erlaitzeko meandrua eta 500 gelia errebisatzia, eta lezia desinstalatzia. Programa betetxua.

Ataskoz atasko, eta frakzionamendu bakotxian denpora pillua pasauta, 3 bat ordu egitten dogu aurreko egunian heldutako beherengo punturaiñok. Hortik behera Igor eta Oier goiaz, eta 7 bat metrotako jaitsieria egin eta gero, ikusten dogu jarraitzeko spitak jarri bihar dirala (parabolt bati torlojua falta jakolako). 4 ordu pasatu dira eta ondiok asko dago egitteko, beraz goraka hastia erabagitzen dogu.

Tripodia gerrira lotuta, posiziño nahikua eskas eta deserosuan, argazkixa etaratzen saiatzen dogu. Flash bat honduan eta bat esegitta; diafragma 2,8. 4 segundutako exposiziñua. Enfoke luzia. Emaitzia artelan benetako bat da: “Illuntzarko illuntasuna”, speleoarten ohorezko lekua merezi dabena, espeleologian illuntasunari egitten detsagun gorazarrian sublimaziñua, modu estetiko baten sortutako zirraria eta sentimendu kontrajarriak adiarazten dabena, bizi-filosofia oso bat laburbilduz. Hori bai, amildegixa bera ondo-ondo ez da apreziatzen.

Bost bat ordu pasau dira Mortadeko II-garrenak bere bidaide dardartixetaz kupidatu eta argazki bartuluak gordetzia erabagitzen dabenian. Gorutzka abixatzen gara pizkat exploratzeko esperantzaz, baiña jakiña: ondiok gehixago luzatzen gara frakzionamentuetan. Gaiñera, atzetik datozen soka guztiak desinstalatzen eta kontu haundiz biltzen goiaz, gero eta karga gehixagokin beraz. Konturatzen gara, bide batez esanda, mosketoietako “8” batzu ez dirala oso ortodoxuak (¡gero guri esango deskue!). Tira: “500 gela” paretik pasatzen garazenian, 7 bat ordu juan jakuz. Espediziñoko gidarixak nerbixuak lehertuta–¡ze gogorra dan jentia jagotia!-, eta bestiak neke-hotzittu-kargatuta, hurrengo baten bueltatzia erabagitzen dogu. Sarrerako masma edo aramu erakusketia gure zain dakagu.

Potoko elorrixen ondotik urtenda, Illuntzarreko gaba nasaixakin topatzen gara. Bedratzi ordu ondo pasauta egin doguz, eta espediziñoko helburu bakarra lortu dogu: bizirik eta onik urtetzia. Ez da gitxi eta gaitzerdi. Ordu erdixan goiaz kotxietaraiñok, inguruko basarrittarrik harrittuko zan lau ipurtargixok illaran ikustian.

Jentia despedidu eta gero, Mortadelo II Gernikarako biajia daka pendiente: 4 petatietako gauzak distribuitzia. X jaunandako oharrak:

• Soka guztiak Santa Luzian esegitta dagoz. Korapillo guztiak Igor, Bikain eta Urtzak egindakuak dira (reclamaciones...). Iñubijako sarrera sokia be bertan geratu da, mosketoia kendu baiña “8”xa soltatzia ahaztu jatan.
• Lazo bi, lazuen kajan.
• Hiru kaskuak bere lekuan.
• Urtzak erabillittako arnesa eta burdiñak, esegitta.
• 4 petatiak be, bertan: euretako bat basurara botatzeko moduan dago, ipurdiko zulua haundi-haundixa daka eta ezin da ezer eruan seguridadeko minimo batekin.
• Kruzrojan, burillatzeko ekipua eta argazki materixala aulka baten gaiñian zabalik laga dot, pizkat sikatzeko.
• Mosketoi guziak eta soka torlojodun hori (lazo?) pasilloko armarixuan dagoz. Ez neban euki garbitzeko denporarik (gabeko hamaikak ziran eta etxian barrabillak ebateko arriskua).

PD: aste honetan kazetari asko gure atzetik. Bizkaia Irratia, Radio Euskadi eta Lea-Artibai eta Mutrikuko Hitzako kazetarixak atendidu doguz.

Iluntzarreko Lezan

080308: Petrus, Bikain, X jauna, Oier.

Illuntzarreko Lezara, sokorro fitxia prestatzeko. Instalaziñua errebisatzen eta konpontzen ibilli gara, baiña dana dala pendiente geratzen da taladruakin etortzia. Argazkixak eta krokisak etara doguz. Hurrengo egunerako, barrixekin etorriko gara praktikatzera, argazki gehixago etaratzera eta falta diran leku bixak esploratzera (500 gelia, eta lehelengo amildegiko repisako meandro txikixa).

Zazpileiza

080301:Ander, X jauna, Urtza, Bikain, Igor, Oier.

Zazpileizetan (Nabarniz) yumar praktikak egitten. Igor eta Oier instalatzen, eta bestiak bertikalak eta frakzionamenduak praktikatzen. Amaittu eta gero, Eduk jarrittako eskulturian billa juan gara eta haitzulo txiki, errez eta zoragarri hori ezagutu dogu. Esperientzia mistikuak.

Lekeitioko exkurtsiñoa

080223: X jauna, Bikain eta Urtza.

Lekeittioko erakusketan apuntautako 7 lagunekin Lamiñetara exkurtsiñua. Gehixenak kobetan esperientzia pizkat ba zeken, eta batzu ezagutzen zeben Lamiñen sistemia. Eurak guztiak, gonbidatuta geratu dira gure asteroko urteeretara etorri eta eskualdeko beste koba batzu (“basatixaguak”, naturalaguak, garbixaguak, ikusgarrixaguak) ezagutzera. Hamen gagoz gu, eta nahi dozuen arte.

Trakamañe ikusgai

080216: Urtza, Bikain, X jauna, Oier.

Pasa dan asteko emaitza ziztriñen ostian, aste honetan lan politta egin dogu. Eguastenian eta barixakuan Arrate eta Bizkaia irratixan entrebistak atendidu eta gero, zapatuan Trakamañeko ubegira bueltau gara helburu bikotzakin: argazkixak etaratzia, eta zokuak hobeto miatzen hastia, Trakamail erreka nagusixakin loturia topatzeko.

Hasierako “Meandro Agonikuan” arazuak: Urtza ataskau egitten da eta atzera egin bihar dogu. Larregiko nekiak dakan arriskuakin, erabagitzen dogu barriro ez saiatzia eta Bikain eta bixak kanpora doiaz, Okamikako Lamiñen Kobia ezagutzera. Dana dala, ondo ikusi dogu Urtza –baloria bihar da gero, hirugarrengo koba-sartualdixan hona etortzeko- eta hurrengoz datorrenian neguramente ez dau arazorik izango.

X jauna eta Oier aurrera egitten dabe, bakarrik argazkittan ibiltzia erabagitta. Oso ordu produktibuak dira, eta beste behin frogatuta geratzen da argiztapen egoki batekin, edozein azkonar-zulok bere alderdirik polittena erakusten ba dakixala. Gaurtik aurrera irudixoi esker, Trakamañeri buruz hainbeste berba eta berba entzun gaittuenok esploratzen gabizen eremua euren begixekin ikusi ahal izango dabe.


Trakamañeko "Potorro" famatua, izen bereko txorixakin dakan antzangaittik hala ezaguna.


"Cenagal" tuneleko ikuspegi politta.


Galerixa berian, aurreratxuago. Trakamañen halako zoko asko dagoz.


Kanal honetako "Potxingo nagusixa".


"1º kanpamentua", lehelengo gela legor eta erosua.


"Hobi Barrixa", oin dala aste batzu arte Trakamañeko azken mugia izandakua. Zulo hau nasaitzen hille pare bat pasau dogu.


Hobi Barrixan azpixan zabaltzen dan Tunel Psikodelikua.


Psikodelikue eta fresko-freskue.

Mortadelo II y Filemon: Mision en Iñubija

080209: Mortadelo II eta Filemon.

Goizian Lekittoko erakusketia montau eta gero, 9 lagun juan ziran txinora bazkaltzera. Arratsalderako plana Faunuan Laberintuan azpixan geratzen dan pasamano behekaldeko Meandrito Putito-tik errekara juan, 56 estaziñua lokalizau eta handik eskumako sektoria exploratu eta topografiau. Bazkaldu eta gero, X jaunak solemnidade haundiz Mortadelo II izendatu zeban espediziñoko “nostromo” eta bere armez –klinometro eta brujulia, papela eta harkatza- hornidu. Hala juan ziran paladin bixak sorgiñen zulora. Trepetxo guztiak soiñian jantzi eta gero –zaldun mediebalen antzo- hantxe juan ziran estratatik behera, pauso bakotxian metal hotsa egiñaz.

Lezian sarrerako korapilluan 8-xa egitteko izan zeben arazuak ez zeben ezer onik iragarri hurrengo orduetarako. Eguzkixa beherutz zetorrela, sarrerako potzu bertijinosuetatik behera galdu ziran mundutik Mortadelo II eta Filemon abenturazaliak. 20 minutuko bidia kalkulau zeben Meandrito Putito-rarte. Baitta ondo kalkulau be. Pasamanotik behera lehelengo, eta gero bigarrengo zatixa gora egin eta gero, bertara allegau ziran-eta; baiña ikusi ez. Eta ondotik pasatu eta aurrera jarraittuta, lehelengo –“¡hamendik eztok!”- eta gora gero, Mortadelo II-aren lidergoa kili-kolo jartzen hasi zan. Gora ta gora Euzkadi... espediziñuan gidarixari etxakon ezagun-ezaguna be egitten bide hori, ukondo, belaun eta orkatilleko maleolo guztiak hormara heltzeko biharrezkua zana. ¡Besterik ez zeguan baiña! eta aurrera juan bihar.

Burixan izardifugotasuna ondo baiño hobeto probatzeko aukera parebako honen ostian, Mortadelo II nostromuak tunelan kurba eta forma ezagunak ezagutu zittuan "¡hamendik dok, Filemon!”. Bai, hamendik... goiko nibelera, Faunuan Laberintoko atarira. Nostromuan seguridadiak, Bagdadeko Sadamen estatuian pareko orekia zekan ordurako. Eta Filemon atzetik. Orduan, Mortadelo II-ari estuasunian bonbillia ixotu “Seguraski X jaunak esan destan pasamanua bigarrengo hau dok, laberintora jaistekua". Frio, frio... lekutan zeguan Meandrito Putitua. Hara juan ziran abenturazale intrepido bixak, eta Faunuan Laberintoko piso, pasabide, tximinixa, desfonde, meandro, harri solte, eskaladetan gora eta behera pasatu zeben denpora guztia erreferentzia baten billa. Gaitzerdi, bide nagusixa ez zebela galdu, eta horrekin erreferentzia guztiak; 3 ordu ibilliko ziran han bueltaka, errebuelta bakotxian sorpresia topau biharrian. Errebuelta bakotxetik 5-6 bidar pasatu eta gero, eta leku bardiñetan bueltaka zebizela konturatuta, Mortadelo II nostromo flamantiak duinttasuna oreka-desorekan, bide okerretik zebizen sigurtasun osua eskuratu zeban; lehelengo pasamanuan ostera, ez zebela hain miaketa exhaustiborik egin eta... azken saiakera bat etsi-etsian egittia deliberatu zeban; “edo han, edo kalera” buztana hanka tartian.

Lehelengo pasamanorako bide deseroso hori barriro egin eta gero –gora atarira, segi tuneletik, jaitsi Eskillaretatik- hantxe lotu ziran barriro sokara. Jaitsi, eta igo, eta... sokian lotura puntu onduan, arrakalatxo bat: Meandrito Putitua, betaurrian. Mortadelo II-ak, arimia katiusken maillara jausitta, buruz behera sartu eta konprobatzen dau, eta... “hauxe dok, bai”. ¿Zer egin?

Illuntze partian sartuta, eta onezkero lau bat ordu alperrik galduta, ¿sartu oin eta 56 puntutik aurrera neurtzen hasi, batek daki zer topau geinkela?... Mortadelo II-ak begiradia infinituan galdu eta belizidade aurpegixakin Filemoni “Hobe izango dok urtetzia Filemon; berandu dok eta gaur ez najagok egunik onenian”. Saturday night gaupasa berton egitteko gogorik ez.

Mortadelo II-ak bere informian idatzittakua “ADES taldekuen planuak hartu doguz oiñarritzat Iñubija I kobia exploratzen jarraitzeko; konturatu gara txarto eginda dagozela eta Diputaziñuari 12.000 bat euroko subentziñua eskatuko detsagu haitzulo honetan lanak ganoraz egitteko: gasoillez garbittu, ganorazko topografixia jaso… gaiñera, ezagun da ADES-ekuak ez dittuezela sokak ondo lotu, eze, galerixak lekuz mobidu egitten dira. Hori konpontzeko nahikuak izango dira beste 4.000 euro…”.