Lagiñak, adarrak, inkognitak

2011-XI-26: Petrus, Javi, Ainara, Leire, Antua, Ritxar, Laurent, Oier.


Malloku sisteman. Lehelengo, lehelengo hirurekin juan naiz San Martin eta Erletxeko hobixetara ur lagiñak hartzera (3-na pote). Oso kurioso eta interesgarrixa begittandu jata dato bilketia, oiñ arte bertatik bertara ikusi barik nekan.

Gero eurengandik separau (Apraiz ubegira juan dira beste lagin-txorta bat hartzera) eta Goikoetxera sartu naiz (bestiak aurretik sartuta zeguazen, eskalada inkognita batzu argitzera) sarrerako gelan topau barri dirazen kornamentak erretratatzeko. Hortan amaitzen nenguala, barriro topau dittudaz Petrus, Javi eta Ainara (Gela Gorriko bidian, han laugarren lagin-txortia hartzera).

Egun-erdiko jarduna, ume txikixak dirazela-eta askotan errepikau biharko dotena!

Sarrerako sifoi gaiñian

2011-X-8: Gotzon, Unai, Josu, Ritxar, Antua, Petrus, Oier.

Malloku Sisteman. Antua eta Ritxar Goikoetxe sarrerako gelan eskalada bat egitten geratu diraz (emaitza barik), bestiok Apraiz eta Goikoetxe arteko sifoi gaiñian agertu dirazen galerixak hobeto miatzera juan gara:

Ritxar eta Simonek egindako desobstrukziñotik hasi (estuasun bikotxana) eta geroko galerixan, eurak allegau ziran lekura (destrepe / 3 metro sakoneko potzua) allegau gara topografiatzen.

Harako bidian, desfondian sartu naiz (harritxintxarra, lokatzakin blokeauta eta beherutzko norabidian doian arrakala txiki bat bakarrik libre, masmaetxe txiki batekin; gero handik urtetzia asko kostau jata, eskerrak Unai eta Gotzonen laguntziari); bestiak goiko zulo bat begiratu dabe erdiko destrepe inguruan (haizia kanpora zoian, baiña estuegi).

Galerixa honen zati haundi baten, hormetako kareharrixan disoluziñua nahikua berezixa zan: kareharrixa bera disolbiduta zeguan eta fosil ugarixak (rudistak batez be) agerixan geratzen ziran 1-2 zentimetruan.

Puntako destrepian katazulo txiki bat agertu da, eta Petrus eta Josuk desobstruidu eta gero aurrera egin ahal izan dogu (kontrako norabidian, topografixian arabera), 20 bat metro; galerixia amaitzen dan lekuak antxiñako sarrera baten itxuria daka (sustraixak tetxuan, derrubio-konua...) eta beherutzkako hobi moroko baten haize korriente txikixa dago.

Sektore horren esploraziñua amaittutzat emon dogu, eta Antua eta Petrusek soka-pasamanuak desinstalau dittuez.

Ibilbide politta izan da neretako. Laminadorien sektoria ederra zan, eta katazuluak oso entreteniduak (nere burua neurtzeko oso onak; katazulo bikotxian paniko atake txiki eta guzti). Kortako atia be ikusi barik nekan, ondo geratu da. Eta neurketa estaziño pare bat be ikusi ahal izan dittudaz, bata errekan eta bestia oreiñen aztarnategixak. Ez da nekagarrixa izan, baiña datorren asteko simulakrorako tono pizkat hartzeko balixo izan destalakuan nago, nahikua desentrenauta nabil-eta.

GOIKOETXE

Gotzon, Idoia, Martin, Ritxar, Antua, Jabi, Maria, Raul, Edurne eta Iñaki.

Goizian geratu gara Santa Luzian, ta Urdaibaiko katalagu berria ikusteko aukeria izan dogu.
Horren ostian Goikoetxera (Malloku sistema) abiatu gara, batetik turismo a fondo pixkat eitxera ta bestetik, istalaziño batzuk ipintzera (Oxiduen gelan sokakin ibilbidia, Medidorak toki diferentitan...) eta Mariak beste aldetik Saguzahar batzuren desalojua ein dau, 7 totalian, Busturiko San Pedro koban realojaten. 4 ordu ibili gara barruan totalian. Kobazulo ederra iruditu jat ta bueltatzeko goguakin geratu gara, Martin ta Neu (Iñaki) behintzat.
Baserriko Gorka ta beste bi lagun, jotake ibili diraz lanian gu barruan geuazan bittartian ate barrija ipintzen. Hamendik aurrera Goikoetxeko sarreria sarratuta geratuko da.