Aldekoerrotan, 15 metro gehiago?

2013/X/27: Idoia, Martin ta Iñaki

Aldekoerrotara joan gara, desobstrukzio ostean agertutako putzua jeistera.

Objetiboa bete aurretik, kobazuloan turismo pixkat egiteko aprobetxatu dugu eta nahiko kobazulo polita iruditu jaku, batezbe azkenengo gela handia. Holan lehen aldiz zoazenean emoten dau pilo bat inkognita uzten dozuzela alde guztietatik baina aurreko exploratzaileek beren biharra egin zutela konfiatu behar duzu (zentsazio hau ia-ia beti pasatzen da kobazulo baten lehenengo aldiz zagozenean)

Desobstrukzioan bastante nahastu gara eraman ditugun sokekin, ea zein zen zaharragoa, apostuak eta guzti egin doguz (Quedamos en empate) eta bi aldiz instalatu eta desintalatu putzuak diskusioen erdian.

Martinek instalatu dau lehenengo putzua eta lokatz toneladez betetako meandro batera heldu gara, baita konfirmatu dogu ura ez dagola estankatuta ur korriente txiki eta konstante bat da, afluente bat. Hori bai, momentuan sifonatzen da errekan beherako norabidean eta horregatik betetzen dira galeriak lokatzez.

Haizea dago , eta bentana baten galtzen dela ikusi dogu, beraz bueltatu behar da, baina hori bai, kobazuloa beste norabide bat hartzen hasi da, eta suerte asko beharko dugu Arteagarako norabidea hartzeko.

Kanporako bidean laterala desintalatu dogu (Iñaki).

Aldekoerrotan 100 metro gehiago!

Part: Idoia, Gotzon, Leire, Antoine, Richard, Unai, Bikain

Bai, sifoirantzako bidean desobstruitu behar zena bota eta gero, pasua zabaldu dugu eta 100m galeria inguru topografiatu dugu. Baina galeriak sifoiaren beste aldeko galerietarantz ez doaz. Beste sektore berri bat topatu al dugu Aldekoerrotan? Haizea badago behintzat...

Hiru helburu betetzeko asmoz geratu gara oraingoan Santa Luzian. Batetik, martilluaren froga egiteko sifoiaren alde bietatik, desobstruitzeko bide ona zein den jakin dezagun, desobstrukzioa jarraitzea, eta fondoko gela handian dagoen libreko eskalada bat argitzea.

Antoine eta Richard gure bi buzeadoreek sifoia pasa nahi izan dute, baina Richard-ek ur azpiko estulekua ez du ikusi nola pasa, eta proiektua bertan behera utzi behar izan dute.

Unai eta Bikain gela handira joan dira eskalada famatu hori ikustera. Dirudienez ADESeko gazte batzuek orain dela urte batzuk egina zuten eskalada hori, eta metro batzuk gehitu zizkien kobari. Duda ordea, airerik zegoen ala ez ikustea zen. Bikain gela errekistatzen zegoen bitartean, Unai hasi da eskalada egiten. Erdia harri onean da, eta beste erdia harri ez hain onean eta lokatzez bustia. Unaiek eskalada erdia egin du, baina beste erdian zaplasteko eder bat hartzeko probabilitate gehiegi ikusi du. Ez horrela Bikainek, goraino igo bait da azkenean. Badago galeriatxoren bat goian, baina amaitu egiten da eta airerik ez dago.

Orduan Antua eta Ritxar agertu dira gela handira. Gotzon neska biekin (txarto ez e!) desobstrukzioan dago jo ta ke.


Burugogorkeriak jota, GAESeko biak eta Ondarrutar biak gela handira urak botatzen dituen meandrotxo-afluente-errekara joan dira. Bertatik gelatik eskuinera, gatera baten sartuta, errekatxo bat dator. Baina gatera itxi egiten da kolada batzuekin. Han ibili gara mailukadaka, eta dexente zati kendu dugu. Erreleboz errelebo, mekauendiosez mekauendios, burugogorkeriak jota mailuka hormatik irteten duen kolada-kalabaza baten kontra. Azkenean Unai bakarrik geratu da mailuka, eta denak desobstrukziora joan dira, jende artera, kolada horretaz nazkaturik. Zertxobait gehiago egon eta gero, mailua Kaskoa eta Naos-etik zelako hurbil zegoen konturatuta, eta bakarrik zegoela gatera busti baten, izterretatik erreka bat pasatzen, Unaiek ere buelta egin du, kolada jausteko puntu-puntuan utziz.

Desobstrukziora heldu denean: "Unaaai! Que ya han pasadoo!!!"

Desobstrukzioko gatera eta gero, pare bat metro altura eta zabalerako gela eta gaterak daude, zertxobait laberintikoa, lurrak kolada ematen du. Orduan putzu bat agertu zaigu 5-10 metro ingurukoa. Hormak lokatzezkoak, eta behean ez da ur zaratarik entzuten. Behean ura badago baina, ur estankatua da. Sifoiaren gainean gaude? Ezin izan dugu putzua jeitsi monty faltagatik.

Kanpoan furgonetan, topoak esan digu galeria horiek ez doazela sifoirantza. Beste sektore bat da orduan?

Bitartean, Unai eta Bikain ekipoak garbitzen dabiltza errekan. Erreka hori Aldekoerrotan sartzen da. Kobatik atera dugun lokatza berriro kobara...

Tuneladorak, Montyak eta Aire konprimitua - Aldekoerrotan berriro!

Part: Josu, Gotzon, Unai, Idoia, Laurent, Antoine (Antua) barruan, eta Tana, Amagoia, Oier eta Niko kanpoan!

Hiru frente egin dira oraingoan koba honetan: Laurent eta Antua sifoia pasa eta bestaldean esplorazioa egiten egon dira (hauek bai zortea!), Josu eta Gotzon desobstrukzioan ibili dira jo ta ke busti gabeko pasu bat bilatu nahian sifoi bestalderantza, eta Idoia eta Unai (bere lehen eskalada eginda!) goiko aldetik pasa nahi izan dira eskalada bat eginda. Oraindik ez gara pasa, baina tiempo al tiempo, eta si no hay, se hase...

Bitartean, Tana eta Amagoia azterketa arkeologikoan murgilduta ibili dira Aldekoerrota alboan dagoen koba batetan... 

Oraingoan kristoren beroa egiten du kanpoan. Buzoa eta Buria jantzi ahala kobara sartzeko gogoa heldu zaigu. Eguraldi ederra kanpoan, baina gu ez goaz kanpora, barrura baino.

Aldekoerrotak, dudarik gabe, Urdaibai eta Lea Artibai-ko koba sarrerarik kuriosoena du. Baserri-errota sumideroaren gainean eraikita dago, eta barruan errota-ardatz zahar bat dauka. Baserriari hanka artetik galtzen zaio erreka barrurantza, eta gu berarekin batera goaz. Etxearen barruan txakurra zaunka ari da. Badaki bere hanken azpialdean gabiltzala baina ez du ulertzen nola sartu garen...

Tanak eta Amagoiak argazki batzuk atera nahi dizkiote Aldeko-errota eta bere sarrera kuriosoari. Gu ere agertu gara argazkietan, ez gara modeloak baina tira! Besteok barrurantza goazen bitartean, Gotzonek arkeologo-ga bikoteari beste koba bat erakutsi nahi die, eta beranduago sartuko da.

Ur-zuloaren errekaren eskaloitxoetan arrastaka jeisten goazen bitartean, Josu magia trukoetan pentsatzen dago iada eta Unai aire konprimituko botila batekin beteta dagoen petate batekin burrukan dabil. Normala baino presio gehiagoz beteta dagoela jakiteak ez du laguntzen bere garraioan.

Heldu gara salara. Gu heldu garenerako ez ditugu gehiago Laurent eta Antoine (frantses buzeadore expertoak!) ikusi, sifoian bait daude trajeak janzten. Unai monty, express, soka eta abarrak prestatzen hasi da eskaladarako. Josu varita magikoak prestatzen hasi da. Areto berberean egingo da show-a.

Tarte bat hartu dute Josuk eta Gotzonek topo-a amaitzeko. Baita argazki batzuk ateratzeko ere.

Unaiek ez du uste itxura oneko eskaladak hain itxura onik duenik. Egun osoa eta behar diren baino txapa gehiago behar izan ditu hori demostratzeko, behetik batzuk "comentario constructivo" batzuk sartu dizkioten arren, kremallera eta ez kremallera. "Hagas lo que hagas, te van a criticar,..."

Ez zen bat ere leku ona desobstrukzioa egiteko. Aurreratu dira metro batzuk. Ez bagenu jakingo beste aldean galeriak BAdaudela...

Kanpoan, espeleo txangotxo bat egin berriak, Oier eta Niko. Inork ez du etxean geratu nahi behintzat.

Aldekoerrotan

130907: Petrus, Josu, Idoia, Santi, Bikain, Antua, Oier.

Ereñon, talde bittan banatu gara: Santi, Bikain eta Antua plan bikotxa egin dabe (Aritzgane partian E-78xan inkognita bat argittu eta beste zulo bat ikuskatu); Petrus, Josu, Idoia eta ni Aldekoerrotara, sifoia urpetik gaindittu ostian gaiñetiko beste bide posibliak aztertzera. Gure taldiak egindakua azalduko dot pizkat.

Lehelengo biharra, sifoiko gelan eskumaldetik doian galerixia topografiatzia izan da. 00 puntua galeria sarrerako eskumaldian, lurrian dagon bloke haundixa izan da (punto zuri haundixa, harriz pikauta); hortik aurrera 8 puntu hartu doguz; 08 lokatz txaplata baten markauta geratu da, eta 09 katazulo osteko paretian proyektauta (05 puntorik ez dago). (...). Beherakuan, txapa bat galduta sokia kendu dogu. Topo TRO moduan artxibauta.

Gero, mangeren gelako eskaladan ibilli da Josu. Paretan gogortasunakin arazuak izan dittu, eta erdiraiñok-edo allegau da, trabesixia hasteko puntuan. Aldi berian, Petrus haize korrienteko lekuan desobstrukziñuakin hasi da, gero bestiei txandia emonda; maillu eta zintzelakin bidia pizkat nasaittu badogu be, batez be taladruakin biharra erosuago egitteko izan da; espatula bihar nahikotxo aurreikusten da-eta.

Halako baten Aritzganeko taldia agertu da, handikaldeko biharrak amaittuta. Bestalde nik koko billa jardun dot, eta argazki batzu be saiatu dittudaz.

Kokuak:

• Sifoian gela inguruan, erlamiño haundi baten gorpuan inguruan 10 bat Quaestus noltei?, 5 bat marraskillo biribil, marraskillo luzanga 1 eta pseudosinella? 1.
• Sarrerako galeria aktibuetan, Lithobius bat ikusi dot hildako opilioia jaten; opilioian arrastuak hartu dittudaz, Lithobiusak barriz iges egin desta.
• Galeria aktibuetako goursetan Lepisma? pillua ikusi dogu, baiña ez dittudaz hartu, interesekuak ez diralakuan.

Gogo haundixa nekan zulo hau ezagutzeko. (...).